Məkkədə min beş yüz zəvvar mehmanxanada baş verən yanğına görə təxliyə olunub.
"Report" xəbər verir ki, bu haqda TASS məlumat yayıb.
Məlumata görə, Səudiyyə Ərəbistanı Mülki Müdafiə Qüvvələri Məkkədəki 15 mərtəbəli mehmanxananın 11-ci mərtəbəsində baş verən yanğını söndürüb.
İlkin xəbərə əsasən, yanğın binanın elektrik naqillərində meydana çıxan problem səbəbindən baş verib. Məlumatda bildirilib ki, zəvvarların həyatı üçün heç bir təhlükə yoxdur və onlar qaldıqları mehmanxanaya qayıdıblar.
