Türkiyə sahillərində miqrantları daşıyan qayığın gəmi ilə toqquşması nəticəsində 13 nəfər həyatını itirib.
Bu barədə Trend RİA Novosti agentliyinə istinadən xəbər verir.
Məlumatına əsasən, qayıq Çanaqqala limanından Yunan adası Lesbosa doğru hərəkət edirdi. Gəmidə ümumilikdə 46 nəfər olub, onlardan 13-ü ölüb, 20 nəfər xilas olunub, qalan 13 nəfər isə itkin düşüb.
Qeyd edək ki, ölənlərin arasında 4 nəfər uşaq olub.
