Moldovanın Baş naziri Azərbaycana gələcək

Moldovanın Baş naziri Nataliya Qavrilitsa oktyabrda Azərbaycana səfər edəcək.

Bizim.Media xəbər verir ki, bu barədə Moldovanın Baş naziri Azərbaycanın bu ölkədəki səfiri Qüdsi Osmanovla bugünkü görüşündə bildirib.

Həmçinin oktyabrın 10-12-də Bakıda Azərbaycan ilə Moldova arasında iqtisadi əməkdaşlıq üzrə Birgə Hökumətlərarası Komissiyanın növbəti iclası keçiriləcək. Həmin günlərdə ikitərəfli Sahibkarlar Forumu təşkil olunacaq.

Forum çərçivəsində hər iki ölkənin investisiya imkanları təqdim olunacaq.

"Bütün çətinliklərə baxmayaraq, Moldova xarici investorlar üçün cəlbedici məkan olaraq qalmaqdadır. Son dövrlərdə biz Belçika, Niderland, Türkiyə, ABŞ, Almaniya, Litva, Böyük Britaniya kimi ölkələrdən investisiya layihələrini cəlb edə bilmişik.
Biz Azərbaycanın iş adamları ilə investisiya əməkdaşlığını gücləndirmək istəyirik”. Report.az Qavrilitsanın dediklərindən sitat gətirib.

Baş nazir Moldovanın Azərbaycandan təbii qaz idxalı imkanlarını təhlil etdiyini və enerji sahəsində əməkdaşlığın gücləndirilməsində də maraqlı olduğunu vurğulayıb.

Bizim.Media