İsveçrə Aİ-nin Rusiyaya qarşı yeni sanksiyalarına qoşuldu

Hazırda oxunan: İsveçrə Aİ-nin Rusiyaya qarşı yeni sanksiyalarına qoşuldu

91445

İsveçrə hökuməti Avropa İttifaqının (Aİ) Rusiyaya qarşı qəbul etdiyi yeni sanksiyalar paketinə qoşulub.

Bizim.Media xəbər verir ki, bu barədə İsveçrə hökuməti məlumat yayıb.

Avropa İttifaqının yeddinci sanksiyalar paketinə uyğunlaşdırmalar avqustun 31-dən qüvvəyə minib.

Bildirilib ki, Aİ-nin Rusiyaya qarşı ən sonuncu sanksiyalar paketinin bir hissəsi (Rusiyadan qızıl idxalına qadağa) avqustun 3-dən qüvvədədir. Avqustun 31-dən isə İsveçrə Aİ-nin depozitlərin yerləşdirilməsi və kredit reytinqlərinin müəyyən edilməsi ilə bağlı texniki tədbirlərinə qoşulub.

Bundan əlavə, İsveçrə Avropa İttifaqından Rusiya vətəndaşlarına və ya Rusiyada yerləşən şirkətlərə dövlət müqavilələrinin verilməsinə qadağa kimi sanksiyalara dair də öhdəlik götürüb.
Bu addım İsveçrədə yaşayan Rusiya vətəndaşlarına və ya onların pay sahibi olduğu İsveçrə şirkətlərinə şamil olunmur.

Bizim.Media