ABŞ və Türkiyənin İraq və Suriya ərazisində İŞİD-ə qarşı apardığı hərbi əməliyyatlar Rusiyanın ciddi narazılığına səbəb olub. Belə ki, baş verənlərə münasibət bildirən Rusiyanın baş naziri, bu əməliyyatların hüquqi legitimlik məsələsinin mübahisəli olduğunu, proseslərin narahatlıq doğurduğunu vurğulayıb.
Maraqlıdır, Rusiya ABŞ və Türkiyənin İŞİD-ə qarşı əməliyyatlarını əngəlləyə
bilərmi? Kremlin bu əməliyyatlara hansısa şəkildə mane olması mümkündürmü?
Moderator.az-a açıqlama verən politoloq Zərdüşt Əlizadə Rusiyanın bu
məsələdə edə biləcək bir şeyinin olmadığını qeyd edib:
“Rusiya bu məsələdə ABŞ və Türkiyəıyə mane ola bilməyəcək. Bu,
Kremlin qüvvəsi xaricindədir. Buna Rusiyanın mənəvi haqqı da çatmır. Çünki
Rusiyanın özü beynəlxalq hüququn tələblərini yüz dəfələrlə pozub. Odur ki, indi
Rusiyanın Türkiyə və ABŞ-ın terror təşkilatına qarşı həyata keçirdiyi əməliyyatların
hüquqiliyini şübhə altına alması gülüncdür”x9d.
Seymur Əliyev
