“Pink Floyd”un yaradıcısı Baydeni “cinayətkar” adlandırdı

ABŞ prezidenti Co Bayden Ukrayna münaqişəsini qızışdırır.

Bizim.Media Lenta.Ru-ya istinadən xəbər verir ki, bunu CNN telekanalına müsahibəsində “Pink Floyd” qrupunun yaradıcılarından biri, əfsanəvi britaniyalı musiqiçi Rocer Uoters deyib.

O vurğulayıb ki, Ukraynadakı müharibə NATO-nun Rusiya sərhədlərinə qədər irəliləməsinə reaksiyadır, ancaq alyans bunu etməyəcəyinə söz vermişdi.

“Bu, ağır cinayətdir. ABŞ niyə Ukrayna prezidenti Zelenskini bu dəhşətli münaqişəyə son qoymaq üçün Moskva ilə danışıqlara başlamağa çağırmır?”, - deyə o, sual verib. 
Lakim məlumdur ki, Zelenski Rusiya prezidenti Vladimir Putinlə sülh danışıqlarına hazır olduğunu dəfələrlə təsdiqləyib.

Qeyd edək ki, hazırda Uoters qastrol səfərindədir. Musiqiçi çıxışları zamanı siyasi mövzulara toxunur, Bayden də daxil olmaqla hərbi cinayətkarların fotoşəkillərini nümayiş etdirir.

Bizim.Media