Zelenski: \"Əvvəlcə Balkanlar, sonra Tayvan, indi də Qafqaz...\" - VİDEO

“Dünyada münaqişələr qlobal təhlükəsizliyin səmərəsiz arxitekturasına görə yaranır. Dünya elə bir model hazırlamalıdır ki, heç bir ölkənin digərinə təcavüz etməyəcəyinə zəmanət verilsin”.

Bizim.Media xəbər verir ki, bunu çərşənbə günü, avqustun 3-də prezident Volodimir Zelenski çıxışında deyib.

“Əvvəlcə Balkanlar, sonra Tayvan, indi də Qafqaz... Bütün bu vəziyyətlər fərqli görünür, baxmayaraq ki, onların bir ortaq amili var, o da qlobal təhlükəsizlik arxitekturasının işləməməsidir. Əgər bu işləsəydi, bütün bu münaqişə olmazdı”, - deyə Zelenski bildirib.
Ukrayna liderinin sözlərinə görə, Ukrayna problemə hələ 2014-cü ildə, Rusiya beynəlxalq hüquqa məhəl qoymadan Krımı və Donbasın bir hissəsini ilhaq edəndən sonra diqqət yetirməyə başlayıb.

Zelenski hesab edir ki, ölkələrin kövrəkliyini yalnız bütün dünyada birgə fəaliyyətlə qorumaq olar:

“Bunun üçün effektiv təhlükəsizlik arxitekturasını hazırlamaq lazımdır”.

Bizim.Media