Moderator.az Ukrayna mətbuatına istinadən xəbər verir ki, Odessa vilayətinin dövlət administrasiyasının işçilərinin sayı iki dəfə azaldılacaq. Belə ki, işçilırin sayı 27-dən 12 nəfərə endiriləcək. Bu barədə M. Saakaşvilinin müşaviri Aleksandr Borovik deyib.
Sosial şəbəkələrdə M.Saakaşvilinin Odessa vilayətinə qubernator təyin edilməsi ilə bağlı zarafat dolu yazılar getməkdədir. Belə ki, sosial şəbəkə istifadəçiləri yazırlar ki, bəzi idarələrin ləğvi və orada çalışan məmurların işdən çıxması Ukrayna dövlət aparatının siyasətinin yenilənməsi hesabına olacaq.
Bu məsələyə də aydınlıq gətirən A. Borovik deyib ki, məqsəd köhnə kadrlarla mübarizə aparmaq deyil, ən əsası yaxşı kadrlarla işləməkdir. “Çünki odessalılar müsbət istiqamətdəki dəyişikliklərə ümid edirlər ki, bizim uşaqlarımız, nəvələrimiz ədalətli və dürüst dövlətdə yaşasınlar”x9d, -deyə A. Borovik qeyd edib.
Vilayət rəhbərliyi ancaq ixtisarla işin keyfiyyətində dəyişikliyə və effektivliyə nail olmaq istəyir.
Bundan öncə iyulun 4-də M. Saakaşvili Odessa vilayət administrasiyasının iki departamentini ləğv etməsi nəticəsində 21 nəfər işdən çıxarılmışdı.
