Hollivud aktyoru Riçard Gir Kiyevdə keçirilən ikinci "Birinci Xanımlar və Cənablar Sammiti"ndə onlayn çıxış edib.
Bizim.Media xəbər verir ki, 72 yaşlı sənətçi Ukrayna ilə həmrəy olduğunu bildirib.
O, çıxışı zamanı Rusiyanın Ukraynadakı hərbi cinayətlərini pisləyib və qeyd edib ki, ukraynalılar məğlub ola bilməz.
“Uşaqların başına gələnlər, cəmiyyət və insanlar üçün mövcud olan qorxu və çətinliklər məni çox heyrətə gətirir. Bu müharibə bitəcək və qalib gəlmək lazımdır, yorulmaq olmaz. Bu, həyatımızın vacib elementidir. Bu, həyatımda gördüyüm ən böyük müharibədir, şərə qarşı müharibədir. Əgər biz uduzsaq, bu, dünyanın digər diktatorlarını ruhlandıracaq, ona görə də onu itirmək olmaz. Ukrayna heç vaxt əvvəlki kimi olmayacaq. İnsan ruhu, insan ürəyi bu böhrandan sonra ukraynalıları birləşdirə və onları daha da yaxşılaşdıra biləcək. Hamımız müəyyən empatiya, birlik hiss etməliyik. Biz bu dəhşətli vəziyyəti yaxşılaşdıra bilərik. Ruslar öz tarixlərində, xeyli sayda nəsillər boyu çox pis işlər görüblər”, deyə aktyor vurğulayıb.
Bizim.Media
