Angela Merkel: “Rusiya və Ukrayna arasında vasitəçilik etmək istəmirəm”

Angela Merkel Rusiyanın Ukraynaya təcavüzü başlayandan bəri ilk böyük müsahibəsini verib. Yazıda o, Vladimir Putinlə danışmaq və Rusiya ilə Ukrayna arasında münaqişənin həllində vasitəçi olmaq fikrində olmadığını bildirib. O, həmçinin Rusiya Federasiyasına qarşı apardığı siyasətə görə üzr istəməkdən imtina edib və Vladimir Putinin “Aİ-ni məhv etməyə çalışdığını” deyib.

Bizim.Media xəbər verir ki, Almaniyanın keçmiş kansleri Angela Merkel ARD telekanalının jurnalisti Aleksandr Osanqın Ukrayna və Rusiya ilə bağlı suallarını cavablandırıb.

Merkel Rusiyanın Ukraynaya təcavüzünü “böyük səhv” adlandırıb və deyib ki, “Putinin nifrəti, düşmənçiliyi” Qərb demokratik modelinə qarşı yönəlib.

“O, Avropanı, Avropa İttifaqını məhv etmək istəyir, çünki bu bölgədə NATO-nun ilk pilləkənlərini görür”, - deyə siyasətçi bildirib.

Merkel etiraf edib ki, o, Almaniya hökumətinə rəhbərlik edərkən komandası Avropada “təhlükəsizlik arxitekturası” yarada bilməyib.

"Bunun alınmaması biabırçılıqdır, amma cəhd etmədiyim üçün özümü günahlandıra bilmərəm" deyə o, qeyd edib.

Keçmiş kansler Rusiyanın Ukraynaya qarşı müharibəsində vasitəçi olmaq niyyətində olmadığını deyib. Onun fikrincə, bu cür danışıqlar “heç bir fayda verməyəcək”.

"Almaniya hökumətinin məndən tələb etmədiyi şeyləri etməməliyəm" deyə o yekunlaşdırıb.

Bizim.Media