Ukrayna Müdafiə Nazirliyi: Kiyevi tutmaq Rusiyanın əsas məqsədidir

Kiyevi tutmaq  Rusiya ordusunun əsas məqsədi olaraq qalır, ona görə də daim təhdid altındadır.

Bizim.Media “Ukrainskaya Pravda”ya istinadən xəbər verir ki, bu fikirləri Ukrayna Müdafiə nazirinin müavini Anna Malyar səsləndirib.

"Biz həmişə açıq şəkildə demişik ki, Kiyev daim təhdid altındadır. Düzdür, insanlar müxtəlif səbəblərə görə geri qayıdırlar. Amma bununla belə, başa düşməliyik ki, müharibə qızğın mərhələdədir və Rusiyanın əsas məqsədi Kiyevdir”, deyə o, qeyd edib.

Xatırladaq ki, bu gün səhər saat 6 radələrində Kiyevin sol sahilində 5 partlayış səsi eşidilib.

Şəhərin meri Vitali Kliçko Darnitsk və Dneprovsk rayonlarındakı infrastruktur obyektlərinə raket zərbələri endirildiyini bildirib.

İlkin məlumatlara görə, Rusiya qoşunları Xəzər dənizindən Tu-95 təyyarələrindən raketlər atıb. 
Raketin biri havada məhv edilib.

Bizim.Media