Terror təşkilatı İŞİD daha bir vəhşətə imza atıb. ANS PRESS-in məlumatına görə, terrorçular yenidən başkəsmə ilə gündəmə gəliblər.
Bu dəfə onların qurbanı bir kişi olub. O, dini təhqir etməkdə ittiham edilib.
Edam Suriyanın hama şəhərində reallaşıb. İttiham edilən meydana əlləri və gözləri bağlı şəkildə gətirilib. Burada onun günaha elan ediləndən sonra boynu dəhrə ilə vurulub.
Tükürpədici edamı meydana toplaşan insanlar da izləyiblər.
Terror təşkilatı daha sonra edamın görüntülərini internetdə yayıb.
