Belarus prezidenti Aleksandr Lukaşenko bildirib ki, Rusiya NATO-nun genişlənməsinə qarşı təkbaşına mübarizə aparmamalıdır.
Bizim.Media “russian.rt.com”a istinadən xəbər verir ki, o, bunu KTMT-yə üzv dövlət başçılarının Moskvada keçirilən sammiti zamanı deyib.
“Xarici işlər nazirlərimiz həmin dövlətlərin (NATO ölkələri nəzərdə tutulur) səslənən niyyətlərini nəzərə alaraq, NATO-nun genişlənməsinin yeni dalğasına siyasi olaraq necə cavab verəcəyimizi düşünsünlər”, - Lukaşenko bildirib.
Onun fikrincə, KTMT-yə üzv ölkələr “əvvəlcədən bu məsələ ilə bağlı təşkilatın mövqeyini işləməli və öz maraqlarını dünya ictimaiyyətinin diqqətinə çatdırmalıdırlar”.
O, əlavə edib ki, ölkələr bu məsələdə həmrəy olmalıdır, “yalnız Rusiya narahatlığını ifadə etməməli və NATO-nu genişləndirmək cəhdi ilə təkbaşına mübarizə aparmamalıdır”.
Bundan əvvəl NATO-nun baş katibi Yens Stoltenberq alyans ölkələrini Kiyevə “döyüş meydanında qələbə qazanmağa” kömək etmək üçün Ukraynaya hərbi yardımın həcmini artırmağa çağırıb.
Bizim.Media
