Moskvanın şərqində DAVA: Bir erməni öldü, ikisi yaralandı

Moskvanın şərqində baş verən davada bir Ermənistan vətəndaşı ölüb, ikisi yaralanıb. 

Bizim.Media xəbər verir ki, bu haqda informasiyanı “mk.ru” saytı yayıb.

Yaralananların əkiz qardaş olduğu deyilir. Mənbə yazır ki, hadisə bazar günü gecə Rusakovskaya küçəsində baş verib. 

Saat 03.30 radələrində “Bakinskiy domik” restoranının yaxınlığında vətəndaşlar arasında münaqişə başlayıb və nəticədə bıçaqlı davaya çevrilib. 

İkisi 30 yaşlı əkiz qardaş olan üç Ermənistan vətəndaşı ağır yaralanıb. Onlardan biri ertəsi gün xəstəxanada dünyasını dəyişib, ikincisi qarın yarası ilə xəstəxanaya yerləşdirilib. Ermənistan vətəndaşı olan 31 yaşlı 3-cü şəxs döş qəfəsi yarası ilə xəstəxanaya aparılıb.
Cinayəti törətməkdə şübhəli bilinən Qafqaz əsilli, 25-30 yaşlarında olan kişi axtarışa verilib. Münaqişənin səbəbləri müəyyən edilir.

Bizim.Media