Çində zooparklardan birində bədbəxt hadisə baş verib.
ANS PRESS-in məlumatına görə, qəfəsdə olan pələng heyvan baxıcısına hücum çəkib və onu öldürüb. Hadisə Çinin şərqindəki Cianqsu əyalətinin Yiçun şəhərində qeydə alınıb.
Məlumatlara görə, pələng qəfəsi təmizləyən baxıcının bir anlıq diqqətsizliyindən istifadə edib. Pələngin hücumuna məruz qalan şəxs yırıtcı heyvandan canını xilas edə bilməyib.
Pələngə zoopark işçiləri tərəfindən müdaxilə edilib. İşçilər qəzəbli heyvana iynə vuraraq onu yatızdırılıb.
Qeyd edək ki, bu hadisədən sonra sözügedən faktla bağlı istintaq başlayıb. Hadisənin baş vermə səbəbləri araşdırılır.
