“Xarici işlər naziri Sergey Lavrov yəhudilər arasında antisemitlər haqqında deyilən sözlərə görə üzr istəməsi yaxşı olardı”.
Bizim.Media JTA nəşrinə istinadən xəbər verir ki, bu fikri Rusiyanın baş ravvini Berl Lazar səsləndirib.
MÖVZU İLƏ BAĞLI:
“Lavrovun açıqlaması Rusiyada hökumətdaxili parçalanmaya dəlalət edir” – Yəhudilərin cavabı nə olacaq?
Lazarın fikrincə, nazirin sözlərinə belə reaksiya vermək mənfi təsirin yumşaldılmasına kömək edəcək və insident nizamlanacaq.
“Mənim Rusiya diplomatiyasının rəhbərinə məsləhət verməyə haqqım yoxdur, lakin o, yəhudilərdən üzr istəsə və sadəcə olaraq öz səhvini etiraf etsə, yaxşı olardı”, - deyə Lazar əlavə edib.
Xatırladaq ki, Rusiya Xarici İşlər Nazirliyinin rəhbəri Lavrov Adolf Hitlerin yəhudi kökləri ola biləcəyini demişdi.
Bizim.Media
