G7 ölkələri Rusiya qazını rublla almayacaq

Bütün G7 ölkələri Rusiyanın enerji resurslarına görə rublla ödəniş etmək tələbindən imtina edir.

Bizim.Media xəbər verir ki, bu barədə Almaniyanın iqtisadiyyat naziri Robert Habek bildirib.

“G7 ölkələrinin iqtisadiyyat nazirləri Rusiyanın qaz tədarükünün rublla ödənilməsi tələbini müzakirə ediblər.

G7-nin bütün nazirləri yekdilliklə bunun müqavilələrin birtərəfli qaydada pozulması olduğunu bildirib və vurğulayıblar ki, bağlanmış müqavilələr etibarlıdır, onlara cəlb olunmuş müəssisələr sazişlərə sadiq qalacaqlar” – deyə Habek qeyd edib. 

Qeyd edək ki, Rusiya Prezidenti Vladimir Putin martın 23-də Rusiya Federasiyasına dost olmayan ölkələrdən qaz tədarükünə görə ödənişləri rublla alacağını bildirib.  

Bizim.Media