İstintaq və tədqiqatlara əsasən, süni intellekt və böyük dil modelləri (məsələn, ChatGPT) təkcə insanların yazdığı mətnlərə deyil, həm də onların söz seçiminə, cümlə quruluşuna və ünsiyyət tərzinə əhəmiyyətli dərəcədə təsir göstərir.
Bizim.Media xəbər verir ki, delve, essential, insight kimi sözlər, eləcə də hadisələri qobelen (əllə toxunmuş və ya naxışlanmış, üzərində hər hansı bir süjet və ya rəsm əks olunmuş divar xalçası) və ya simfoniya ilə müqayisə edən metaforalar süni intellekt mətnlərinin xarakterik əlamətinə çevrilərək yazılı ünsiyyətdə daha tez-tez rast gəlinməyə başlanıb.
İngilis dilinin qrammatik xüsusiyyətlərinə (mübtəda — xəbər — tamamlıq) əsaslanan dil modelləri, söz sırası sərbəst olan dillərdə belə müəyyən cümlə quruluşlarını tədricən gücləndirə bilər ki, bu da dildəki məna çalarlarının itməsinə səbəb ola bilər.
İnsanlar ünsiyyət zamanı bir-birinin danışıq tərzini təkrarladıqları kimi, çat-botların da xüsusilə köməkçi sözlərdə və ifadələrdə insanlardan daha tez-tez bu cür uyğunlaşma nümayiş etdirdiyi müəyyən edilib.
Bəzi istifadəçilər süni intellektin mətnləri ilə əlaqələndirilən sözlərdən (məsələn, uzun tire — em dash) və müəyyən leksik vahidlərdən məqsədli şəkildə imtina edirlər ki, onların yazıları süni intellekt tərəfindən yaradılmış kimi görünməsin.
Çat-botların həddindən artıq nəzakətli və hər zaman xoşagələn cavablar təqdim etməsi insanların real həyatdakı münaqişələrin öhdəsindən gəlmək və emosiyalarını tənzimləmək bacarığına mənfi təsir göstərə bilər.
Bizim.Media
