Ağ Evin mətbuat katibi Kerolin Levitt ABC News-dan Federal Təhqiqat Bürosunun (FTB) Kaliforniya polisini İranın pilotsuz təyyarələrinin hücumları ilə bağlı xəbərdar etdiyini iddia edən bir xəbərin silinməsini tələb edib.
Bizim.Media xəbər verir ki, o, X sosial media platformasında yazıb:
"Bu xəbər ABC News tərəfindən dərhal silinməlidir".
Ağ Ev rəsmisinin sözlərinə görə, onlar Amerika vətəndaşlarını qorxutmaq məqsədi daşıyan yalan məlumatlar təqdim ediblər. O, materialın təsdiqlənməmiş məlumatlara əsaslandığını qeyd edib.
Levitt həmçinin vurğulayıb ki, İrandan ABŞ-a qarşı belə bir təhdid mövcud deyil və heç vaxt olmayıb.
FTB Kaliforniya polis şöbələrinə İran pilotsuz təyyarələrinin mümkün hücumları ilə bağlı xəbərdarlıq edilməsi barədə media xəbərlərinə münasibət bildirməkdən imtina edib. ABC agentliyin ABŞ-ın qərb sahilində İran pilotsuz təyyarəsinin mümkün hücumunu müzakirə edən bülletenin yayılması barədə məlumat verib.
Bizim.Media
