ABŞ İrana zərbələri davam etdirəcək

ABŞ administrasiyası İrana qarşı hərbi zərbələri davam etdirmək niyyətindədir.

Bizim.Media xəbər verir ki, bu barədə The Washington Post qəzetinin jurnalisti John Hudson məlumat yayıb.

Jurnalistin sözlərinə görə, Ağ Evdəki mənbə bildirib ki, hazırkı mərhələdə Vaşinqton üçün prioritet yanaşma “danışmaq yox, zərbə endirmək” strategiyasıdır. Məlumat sosial şəbəkə X platformasında paylaşılıb.

Ağ Ev və ABŞ Müdafiə Nazirliyi məsələ ilə bağlı rəsmi və geniş bəyanat yaymayıb. Lakin son günlər regionda artan gərginlik fonunda ABŞ qüvvələrinin İranla bağlı əməliyyatları intensivləşdirdiyi bildirilir.

Ekspertlər qeyd edirlər ki, hərbi əməliyyatların davamı regionda eskalasiyanı dərinləşdirə və diplomatik həll imkanlarını çətinləşdirə bilər.

Vəziyyətlə bağlı rəsmi açıqlamalar və əlavə məlumatlar gözlənilir.

Bizim.Media