ABŞ İrana qarşı əməliyyatda itkilərini açıqladı

ABŞ Mərkəzi Komandanlığı (CENTCOM) İrana qarşı həyata keçirilən hərbi əməliyyatlar zamanı üç amerikalı hərbçinin həlak olduğunu açıqlayıb.

Bizim.Media xəbər verir ki, bu barədə qurumun rəsmi məlumatında bildirilir.

Açıqlamaya görə, əməliyyat çərçivəsində daha bir neçə hərbçi yaralanıb. Yaralıların vəziyyəti barədə əlavə detallı məlumat verilməyib. CENTCOM hadisənin hansı ərazidə baş verdiyini və itkilərin konkret hansı şəraitdə qeydə alındığını açıqlamayıb.

Bu, Vaşinqtonun İranla davam edən hərbi qarşıdurma fonunda rəsmi şəkildə təsdiqlədiyi ilk insan itkiləridir. ABŞ rəsmiləri əməliyyatların “regional təhlükəsizlik məqsədləri” çərçivəsində davam etdiyini bildiriblər.

İran tərəfi isə öz növbəsində ABŞ qüvvələrinə qarşı hücumlar həyata keçirdiyini və Vaşinqtonun daha böyük itkilər verdiyini iddia edib. Lakin bu məlumatlar ABŞ tərəfindən təsdiqlənməyib.

Hazırda regionda gərginlik yüksək olaraq qalır. Beynəlxalq ictimaiyyət tərəfləri eskalasiyadan çəkinməyə çağırır.

Bizim.Media