Ərdoğan: “Region atəş halqasına çevrilmə riski ilə üz-üzədir” — VİDEO

“Biz bu günkü hücumları qətiyyətlə qınayırıq. Bu hücumlar təkcə İranda suverenliyi açıq şəkildə pozmadı, həm də dost və qardaş İran xalqının sülh və rifahına zərbə vurdu”.

Bizim.Media xəbər verir ki, bunu Türkiyə Prezidenti Rəcəb Tayyib Ərdoğan bildirib.

“Eyni zamanda, Körfəzdəki qardaş ölkələrimizə qarşı raket və pilotsuz uçuş aparatları hücumlarını qəbulolunmaz hesab edirik, səbəbləri nə olursa olsun. Diplomatiya üçün mühit yaradılmasa, regionumuz atəş halqasına çevrilmə riski ilə üzləşəcək.

Türkiyə olaraq, biz sakit və ağıllı şəkildə problemlərin həllini təmin etmək üçün əvvəldən gördüyümüz kimi bütün mümkün tədbirləri görmüşük və görməyə davam edəcəyik.

Diplomatik səylərimizi gücləndirəcəyik: əvvəlcə atəşkəsin təmin olunması, sonra isə yenidən danışıqlar masasına qayıdışın təmin edilməsi məqsədilə”, - Ərdoğan deyib.


Bizim.Media