“Əfqanıstan uzun müddətdir terror ixrac edir. Pakistan vətəndaşlarının həyatını və əmlakını qorumaq üçün bütün tədbirləri görür.”
Bizim.Media xəbər verir ki, bunu Pakistanın daxili işlər naziri Talal Çaudhri bazar günü Geo News-un “Geo Pakistan” proqramında çıxışı zamanı deyib.
O açıqlayıb ki, Pakistan–Əfqanıstan sərhədi boyunca terrorçu hədəflərə endirilən zərbələr nəticəsində təxminən 70 terrorçu zərərsizləşdirilib.
Hökumətin məlumatına görə, son vaxtlar Pakistanda törədilən hücumlara cavab olaraq kəşfiyyata əsaslanan zərbələr həyata keçirilib. Zərbələr Pakistan–Əfqanıstan sərhədi boyunca Fitna əl-Xəvaric (FAK), onun tərəfdaşları və “Daesh-Xorasan”a məxsus yeddi terror düşərgəsi və gizlənmə məntəqəsini hədəf alıb.
Nazir bildirib ki, öldürülənlərin əksəriyyətinin Pakistan vətəndaşları olduğuna dair kifayət qədər sübut var.
Bizim.Media
