ABŞ senatoru Lindsi Qrem prezident Donald Trampı İrana zərbə endirməkdən imtina etməyə dair çağırışlara boyun əyməməyə çağırıb.
Bizim.Media xəbər verir ki, bu barədə Axios məlumat yayıb.
Qremin sözlərinə görə, Trampın ətrafındakı “bir neçə nəfər” İrana zərbə endirilməməsini tövsiyə edir.
Lakin senator hesab edir ki, bu cür çağırışlar hərəkətsizliyin nəticələrini yetərincə qiymətləndirmir. O bildirib ki, Yaxın Şərqdə yeni genişmiqyaslı əməliyyatla bağlı narahatlıqları başa düşür, amma “şərin cəzasız qalmasına imkan verməyin” riskləri barədə xəbərdarlıq edir.
Axios-un qeyd etdiyinə görə, hazırda regionda iki ABŞ aviadaşıyıcı zərbə qrupu və yüzlərlə təyyarə yerləşdirilib. Trampa ali rəhbər Əli Xamenei və onun ətrafına mümkün zərbələr də daxil olmaqla hərbi variantlar təqdim olunub. Bununla belə, yekun qərar hələ qəbul edilməyib.
Nəşr həmçinin yazır ki, bəzi müşavirlər zərbələrin təxirə salınmasını və hərbi qüvvələrin artırılmasını Tehrandan güzəştlər əldə etmək üçün təzyiq aləti kimi istifadə etməyi təklif edirlər.
Bizim.Media
