“Avropanı Ukrayna yox, NATO qoruyur” — Peter Siyarto

Macarıstanın xarici işlər naziri Peter Siyarto yenidən Kiyevin Avropa İttifaqına (Aİ) üzvlüyünə qarşı çıxıb.

Bizim.Media xəbər verir ki, Siyarto bildirib. ki, Budapeşt Ukraynanın Avropa İttifaqına üzvlüyünü bloklamaqda davam edəcək, əks halda Aİ müharibəyə qoşulmuş olacaq:

“Ukraynadakı müharibə bizim müharibəmiz deyil. Ukraynadakı müharibəyə görə heç bir məsuliyyət daşımırıq”.

O, həmçinin Ukraynanın Avropanı qoruduğu barədə deyilənləri yalan adlandırıb: “Rusiya Aİ-nin heç bir ölkəsinə hücum etməyib, buna görə də Avropa İttifaqının heç bir müdafiəyə ehtiyacı yoxdur.

Avropa ölkələrini Ukrayna yox, NATO qoruyur… Ukrayna özü üçün mübarizə aparır, bu, çox qəhrəmancasına addımdır və biz buna hörmət edirik, amma bu, onların müharibəsidir, bizim yox”.

Bizim.Media