Tesla və SpaceX şirkətlərinin qurucusu İlon Mask hesab edir ki, Aya qayıtmağın vaxtı çatıb.
Bizim.Media xəbər verir ki, o, bu fikrini X sosial şəbəkəsində paylaşıb.
“Aya genişmiqyaslı şəkildə qayıtmağın vaxtıdır”, — deyə Mask yazıb.
Mask bu fikri bir istifadəçinin paylaşımına cavab olaraq bildirib. Həmin paylaşımda xatırladılıb ki, ilk təyyarə uçuşundan (1903) insanın Aya enişinə (1969) qədər cəmi 66 il keçib.
Bundan bir gün əvvəl The Wall Street Journal qəzeti yazıb ki, SpaceX strategiyasını dəyişdiyini elan edərək 2026-cı ilə planlaşdırılan Mars missiyasını təxirə salıb. Bildirilir ki, bundan sonra əsas diqqət NASA-nın Ay proqramına yönəldiləcək.
Bizim.Media
