Suriya Demokratik Qüvvələri (SDQ) Hələb şəhərindən tamamilə çıxarılaraq avtobuslarla ölkənin şimal-şərq bölgələrinə təxliyə edilib.
Bizim.Media xəbər verir ki, bu barədə Hələb qubernatoru bəyanat yayıb.
Onun sözlərinə görə, bununla da Suriya hökuməti, sabiq prezident Bəşər Əsədin hakimiyyətinin süqutundan sonra ilk dəfə olaraq Hələbə tam nəzarəti bərpa edib.
Buna baxmayaraq, bölgədə gərginlik və zorakılıq riski hələ də qalmaqdadır. Son silahlı qarşıdurmaların əsas səbəbi SDQ qüvvələrinin dövlət institutlarına inteqrasiya edilməsi prosesinin uğursuzluğa düçar olmasıdır.
Xatırladaq ki, ötən ilin mart ayında Dəməşq rəhbərliyi ilə SDQ arasında "tarixi" adlandırılan razılaşma əldə edilmişdi. Sənədə əsasən, qruplaşma 2025-ci ilin sonuna qədər hökumət qüvvələrinə və rəsmi strukturlara birləşməli idi. Artıq yeni təqvim ili başlasa da, qoyulan son müddət nəticəsiz başa çatıb və şərtlər yerinə yetirilməyib.
Bizim.Media
