Azərbaycanın Rusiyadakı səfirliyinin təşəbbüsü ilə Moskvada Dünya azərbaycanlılarının həmrəyliyi günü və Yeni il münasibətilə Azərbaycan və Rusiya ziyalılarının nümayəndələrinin görüşü baş tutub.
Bizim.Media xəbər verir ki, görüşdə iki ölkə arasında humanitar əlaqələrin əhəmiyyəti xüsusi vurğulanıb.
Tədbirdə alimlər, mədəniyyət və incəsənət xadimləri iştirak ediblər. Azərbaycanın Rusiyadakı səfiri Rəhman Mustafayev çııxşında ötən ilin çətinliklərinə, o cümlədən AZAL-a məxsus təyyarə ilə bağlı faciəyə toxunub.
O, buna baxmayaraq iqtisadi və humanitar sahələrdə əməkdaşlığın inkişaf etdiyini qeyd edib və 2026-cı il üçün əsas prioritetləri açıqlayıb.
Görüş iştirakçıları gələcək əməkdaşlıq perspektivləri ətrafında fikir mübadiləsi aparıblar. (Mənbə: BT News)
Bizim.Media
