Çexiya Prezidenti Petr Pavel bazar ertəsi, 15 dekabr tarixində ölkədə yeni hökuməti təyin edib. Yeni kabinetə baş nazir kimi Andrey Babiş rəhbərlik edəcək. Təyinat mərasimi Praqa qalasında keçirilib.
Bizim.Media xəbər verir ki, bu barədə informasiyanı “Radio Prague International” nəşri yayıb.
Mərasim yeni hökumət üzvlərinin iştirakı ilə baş tutub. Nazirlərin portfellərinin rəsmi bölgüsünü Andrey Babiş həmin günün sonunda açıqlayacaq.
Məlumata əsasən, baş nazirin müavinləri ANO hərəkatından Karel Havliçek və Alena Şillerova, “Avtomobilçilər” partiyasından Petr Matsinka, eləcə də SPD-dən Yaromir Zuna olacaq. Gözlənilir ki, ANO hərəkatı səkkiz nazir portfeli, SPD üç, “Avtomobilçilər” isə dörd portfel əldə edəcək.
Təyinatdan sonra Andrey Babiş Nazirlər Kabinetinin iclaslarının keçirildiyi baş nazirin rəsmi iqamətgahı olan Straka Akademiyasına yollanacaq. Orada onu vəzifəsini təhvil verən baş nazir Petr Fialanın qarşılaması gözlənilir. Fiala yeni hökumət başçısına əvvəlki kabinetin fəaliyyəti ilə bağlı təxminən 80 səhifəlik yekun hesabat təqdim edəcək.
Bizim.Media
