Amerikalı maliyyəçi və sahibkar Bill Ekman dekabrın 14-də Sidneydə Bondi çimərliyində insanlara hücum edən terrorçulardan birini tərksilah edən yerli sakin Əhməd əl-Əhməd üçün vəsait toplamağa başlayıb və təxminən 100 min dollar ianə edib.
Bizim.Media xəbər verir ki, milyarder bu təşəbbüs barədə X sosial şəbəkəsində məlumat yayıb.
“Bondi çimərliyinin qəhrəmanı üçün təsdiqlənmiş keçid budur. GoFundMe platformasının mənə bildirdiyinə görə, toplanan vəsait birbaşa yalnız qəhrəmana yönləndiriləcək”, — deyə Ekman paylaşımında qeyd edib və ianə səhifəsinin linkini əlavə edib.
Həmin səhifədə göstərilən məlumata görə, bu gün səhər saatlarınadək təxminən 542 min dollar toplanıb.
Kampaniyanın hədəf məbləği 1 milyon dollardır. Bill Ekman donorlar siyahısında 99 min 999 dollar ianə edən şəxs kimi yer alıb.
Bizim.Media
