ABŞ Almaniyaya 3,5 milyard dollarlıq raket SATACAQ

Hazırda oxunan: ABŞ Almaniyaya 3,5 milyard dollarlıq raket SATACAQ

580740

ABŞ Almaniyaya HHM-i gücləndirmək üçün 3,5 milyard dollarlıq raket satışını təsdiqləyib.

Bizim.Media xəbər verir ki, ABŞ Dövlət Departamenti Berlinə 173 ədəd Standard Missile 6 Block I və 577 ədəd Standard Missile 2 Block IIIC raketlərinin, həmçinin MK 21 və MK 13 buraxılış qurğuları, nəqliyyat konteynerləri, sınaq avadanlıqları, təlim və logistik dəstək daxil olmaqla, müşayiətedici avadanlıqların mümkün satışını təsdiqləyib.

Bəyanata görə, bu satış gələcəkdə Aegis sistemli F127 sinif freqatları üçün Almaniyanın inteqrasiya olunmuş hava və raketdən müdafiə imkanlarını gücləndirəcək və regiondakı qüvvələr balansını pozmayacaq. Saziş ABŞ-ın xarici siyasət məqsədlərinə uyğundur və Baltik dənizi ilə Şimali Atlantika üzərində NATO-nun çoxpilləli müdafiə qalxanını möhkəmləndirir.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.