Sakit okean üzərində, Cənubi Çin dənizindəABŞ Hərbi Dəniz Qüvvələrinə (HDQ) məxsus helikopter və qırıcı təyyarə qəzaya uğrayıb.
Bizim.Media xəbər verir ki, bu barədə məlumatı ABŞ-ın Sakit okean donanması X-də yayıb.
“26 oktyabr tarixində, yerli vaxtla təxminən saat 14:45-də ABŞ HDQ-yə məxsus MH-60R Sea Hawk helikopteri USS Nimitz aviadaşıyıcısının göyərtəsindən planlı əməliyyatlar zamanı Cənubi Çin dənizinin sularına düşüb. Bu hadisədən sonra, saat 15:15-də F/A-18F Super Hornet qırıcısı da qəzaya uğrayıb,” – deyə açıqlamada bildirilir.
Helikopterin və qırıcının ekipaj üzvləri uğurla katapult olunublar.
“Hadisəyə cəlb olunan bütün şəxslər təhlükəsiz və sabit vəziyyətdədirlər,” – deyə məlumatda vurğulanır.
Hazırda hadisənin səbəbləri ilə bağlı istintaq aparılır.
Bizim.Media




































































































