Qazaxıstan parlamentinin yuxarı palatasının deputatları eks-prezident Nursultan Nazarbayevin Qazaxıstan Xalqları Assambleyası və ölkənin Təhlükəsizlik Şurasında ömürlük sədrliyinin ləğvi ilə bağlı düzəlişləri təsdiqləyib.
Bizim.Media xəbər verir ki, bu haqda informasiyanı “RİA Novosti” agentliyi yayıb.
Senatın deputatları həmçinin xarici və daxili siyasətin əsas istiqamətləri üzrə respublikanın eks-prezidenti ilə razılaşmaq zərurətinin ləğv edilməsini təklif ediblər.
MÖVZU İLƏ BAĞLI:
Nazarbayevin ömürlük sədrliyi ləğv edildi
Ötən həftə isə parlamentin Məclisi Nazarbayevin Təhlükəsizlik Şurasına ömürlük sədrliyinin ləğvini təsdiqləmişdi.
Xatırladaq ki, yanvarın 5-də Qazaxıstan prezidenti Kasım-Jomart Tokayev ölkənin Təhlükəsizlik Şurasına rəhbərlik etdiyini açıqlayıb.
Nazarbayevin mətbuat katibi Aydos Ukibay qeyd edib ki, Qazaxıstanın birinci prezidenti özü ölkənin Təhlükəsizlik Şurasının sədri postunu hazırkı dövlət başçısı Kasım-Jomart Tokayevə ötürmək qərarına gəlib.
Bizim.Media
