PKK lideri Abdulla Öcalan Suriyanın Türkiyə sərhədi yaxınlığındakı Kobani şəhərində kürdlərlə İŞİD yaraqlıları arasında gedən döyüşləri şərh edib.
Musavat com-un verdiyi məlumata əsasən, Öcalan bildirib ki, əgər İŞİD-çilər Kobanini ələ keçirib əhalisini qılıncdan keçirsələr, o zaman Türkiyə hökuməti ilə PKK arasında atəşkəsin sonu gələcək.
Qeyd edək ki, Türkiyə İŞİD qruplaşmasına qarşı fəal hərbi addımlar atmaq və koalisiyaya qoşulmaq barədə hələ qərar verməyib. Hökumətin bununla bağlı öz kontut-dəlilləri var. Müşahidəçilərə görə, Türkiyə fəal addımlar atacağı təqdirdə ölkəyə qaçqın axını kəskin arta, eyni zamanda öz daxilində terror təhlükəsi xeyli güclənə bilər.
