İŞİD-in Suriyanın şimalında yerləşən 93-cü diviziyasından ələ keçirdiyi hərbi texnikalardan bəziləri məlum oldu.
Moderator.az-ın bildirdiyinə görə, terrorçuların yaydığı bir video-görüntülərlə təsbit olunan texnikalar arasında ən az 8 ədəd T-55 tipli tank, 1 ədəd 122 mm çaplı D-30 havan topu, 1 ədəd 130mm çaplı M-46 top görünür. Xatırladaq ki, həmin video oxucularımıza təqdim olunmuşdu. (İŞİD ələ keçirdiyi qənimətləri nümayiş etdirdi- VIDEO)
Mütəxəssislər nümayiş etdirilən bu texnikaların qənimətlərdən sadəcə kiçik bir qismi olduğunu düşünürlər. Belə ki, Suriyada məlum müharibəsi başlamamışdan əvvəl 93-cü diviziyanın invertarında 50-dən artıq tank, çox sayda BMP tipli zirehli texnika, 17 ədəd havan topu, xeyli BM-21 roketatan, təyyarəyə qarşı zenit qurğuları var idi. Müharibə başlayandan sonra bu texnikaların bəzilərinin başqa yerlərə göndərilməsi ehtimal olunsa da yenə onların xeyli hissəsinin öz yerlərində saxlanıldığı güman edilir.
Əslində İŞİD
silahlıları da xeyli qənimət əldə etdiklərini gizlətmirlər. Onların
bildirdiyinə görə, ələ keçirdikləri tankların sayı 40-a qədərdir. Ən önəmli
qənimətlərinin isə təyyarəyə qarşı zenit qurğuları olduğunu deyirlər. Belə ki,
İŞİD silahlılarının indiyə qədər bu cür texnikaları yox idi və özlərini havadan
gələn zərbələrdən qoruya bilmirdilər. İndisə ələ keçirdikləri “şilka”larla
havadan müdafiə sistemlərini formalaşdıracaqlarını ümid edirlər. "Şilka"ların xüsusilə İraqda aparılan döyüşlərdə qarşı tərəfin hava qüvvələri
üçün ciddi təhdid olacağı bildirilir.
İŞİD-ə bağlı
informasiya vasitələrində yer alan şəkillərdə təyyarəyəqarşı zenit
qurğularından biri-ZSU-23-4 tipli "şilka" nümayiş etdirilib. Mütəxəssislərə görə radar
güdümlü bu texnika Yaxın Şərq ölkələrinin hava qüvvələrindən qorunmaqda kifayət
qədər təsirli silah sayılır.
Texnikanın özəllikləri
haqqında video-süjet təqdim edirik.
