Fransa Prezidenti Emmanuel Makron Azərbaycanın Avropa İttifaqının (Aİ) təşəbbüsü ilə daha 10 ermənini qarşı tərəfə təhvil verməsini alqışlayıb.
Bizim.Media xəbər verir ki, bu barədə Fransa lideri tviter hesabında paylaşım edib.
MÖVZU İLƏ BAĞLI:
Azərbaycan daha 10 erməni hərbçini Ermənistana qaytardı – RƏSMİ AÇIQLAMA
Paylaşımda deyilir:
“On erməni əsgəri azad edildi. Mən Avropa İttifaqının həlledici addımını alqışlamaq istəyirəm, onun köməyi ilə biz Azərbaycan və Ermənistan arasında sülhə aparan bu dialoq yolunu davam etdirəcəyik. Biz irəli gedirik”.
Qeyd edək ki, Azərbaycanın 4 dekabr 2021-ci il tarixində qarşı tərəfə təhvil verdiyi 10 nəfər erməni əsilli hərbi qulluqçudan Ermənistan tərəfi sonradan dördünü həbs edib, altısına qarşı isə ittiham irəli sürüb.
Bizim.Media
