Avstriyada insanlar küçələrə axışdı - Məcburi peyvəndlərdən beziblər - FOTO

Şənbə günü Avstriyada on minlərlə insan ardıcıl üçüncü həftə sonu məcburi peyvəndlərə və digər virus əleyhinə tədbirlərə etiraz olaraq küçələrə çıxıb.

Bizim.Media “The New York Times” saytına istinadən xəbər verir ki, Vyanada etirazçıların sayı 40 mini keçib. Səlahiyyətlilər bir neçə nəfərin "ictimai asayişi pozduğuna" görə həbs edildiyini bildirib.

Qeyd edək ki, Avstriya koronavirus infeksiyalarının sürətini endirmək üçün təcrid edilmələri dekabrın 11-dək rəsmi olaraq uzadıb.

Bununla belə, şəhərin əsas mağazaları dekabrın 2-dən başlayaraq axşam saat 19:00-da bağlanmalıdır. Avstriya noyabrın 22-də karantini tətbiq etməklə Avropa İttifaqında ilk ölkə olub. 

Mühafizəkar kansler Aleksandr Şallenberg də fevralın 1-dən peyvəndlərin məcburi olacağını açıqlayıb.

Avstriya rəsmiləri noyabrın 17-də bildiriblər ki, səyahət edənlər ölkəyə daxil olarkən mənfi PCR nəticələrini göstərməlidirlər.

Bizim.Media