Gürcüstan və Ukrayna NATO üzvlüyünə yaxın və son dərəcə dəyərli namizədlərdir.
Bizim.Media 1TV nəşrinə istinadən xəbər verir ki, bunu NATO-nun baş katibi Yens Stoltenberq Brüsseldə xarici işlər nazirləri qarşısında mətbuat konfransında deyib.
Onun sözlərinə görə, Alyans üzvləri noyabrın 30-da və dekabrın 1-də nazirlərin görüşündə Gürcüstan və Ukrayna ilə regiondakı vəziyyəti müzakirə edəcəklər.
MÖVZU İLƏ BAĞLI:
NATO Rusiyaya çağırış etdi - “Vəziyyəti mürəkkəbləşdirməsin”
“Onlar NATO-ya üzv olmaq istəyən yaxın və son dərəcə dəyərli tərəfdaşlardır. NATO onları həm siyasi, həm də praktiki cəhətdən dəstəkləyir”, - Stoltenberq bildirib.
Baş katib həmçinin qeyd edib ki, görüşdə hər iki ölkədə aparıla biləcək islahatların müzakirəsi planlaşdırılır. O, qeyd edib ki, hər iki ölkənin gələcəkdə NATO üzvü olub-olmamasından asılı olmayaraq, bu islahatlar vacibdir.
“Biz islahat səylərinə də diqqət yetirmişik. Düşünürəm ki, bu ölkələrin məqsədi islahatlar və korrupsiya ilə mübarizə aparmaq, müdafiə və təhlükəsizlik strukturlarını modernləşdirməkdir”, - Stoltenberq bildirib.
O, əlavə edib ki, bu islahatların həyata keçirilməsi təkcə ona görə vacibdir ki, bu, təkcə Gürcüstanı alyans üzvlüyünə yaxınlaşdırmır, həm də onun özü üçün mühüm əhəmiyyət kəsb edir, nəticədə Gürcüstan və Ukraynanı daha da güclü edir”, - NATO-nun baş katibi bildirib.
Bizim.Media
