“Google” şirkəti onlayn reklam bazarında haqsız rəqabətdə ittiham olunur.
Bizim.Media xəbər verir ki, ABŞ-ın bir neçə ştatının baş prokurorları şirkəti yürütdüyü strategiyanın və bazardakı mövqelərinin nəticəsində reklam sifarişlərinin 80 faizini götürdüyü iddiası ilə məhkəməyə veriblər.
2018-ci ildə ölkədəki onlayn reklam bazarının 75 faizi “Google”nin payına düşürdü.
İddia ərizəsində “Bell”, “Elmo”, “Poirot” kod adlı proqramlar sayəsində şirkətin satışlarını 1 milyard dollardan çox artırdığı bildirilir.
Həmçinin “Google”nin komisiya haqlarının rəqiblərinkindən 2-4 dəfə çox olduğu, reklam nümayişi ilə bağlı başqa saytların imkanlarını məhdudlaşdırdığı da irəli sürülür.
“Google” şirkətindən isə iddianın qeyri-səlis məlumata əsaslandığını, komisiya haqlarının isə sahə üzrə orta rəqəmdən aşağı olduğu bildirilib.
Bizim.Media
