Permli qatilin atası danışdı: “ŞOKDAYAM”

Perm Universitetində atışmanı təşkil edən 18 yaşlı gənc Timur Bekmansurovun atası oğlu haqqında danışıb.

Bizim.Media xəbər verir ki, bu barədə RT məlumat yayıb.

Onun dediyinə görə, o, Samarada, Timur isə anası ilə Permdə yaşayır.

"Permə gəlməliydim, ancaq sorğu burada olacaq. Mən özüm hələ də şokdayam, özümə gələ bilmirəm. Görün nə edib?”. Timurun atası belə deyib.

O, baş verənlərlə bağlı Timurun anası (keçmiş həyat yoldaşı) ilə danışdığını söyləyib: “Qadın o vaxt polis tərəfindən dindirilirdi. Şokda olduğunu, normal danışa bilmədiyini dedi”.

"Timur həmişə kompüter qarşısında otururdu. "Niyə gəzməyə getmirsən?" sualını verirdim. “Gəzmək istəmirəm, kompüterdə otururam" cavabını verirdi”, deyə kişi əlavə edib.

20 sentyabr bazar ertəsi səhər saatlarında silahlı bir şəxs Perm Dövlət Universitetinin kampusuna girərək atəş açıb. Hadisə ilə bağlı Rusiyada cinayət işi açılıb. Şübhəli şəxs müəyyən edilərək saxlanılıb və sonra xəstəxanada ölüb.

Səhiyyə Nazirliyindən verilən son məlumata görə, atışma nəticəsində 24 nəfər yaralanıb, 6 nəfər ölüb.

Bizim.Media