Suriya Prezidenti Bəşər Əsəd şənbə günü Argentina KİV-də dərc olunan müsahibəsində bildirib ki, istefa məsələsinə baxmır və ona öz postunu tərk etməklə bağlı ünvanlanmış çağırışları məqbul saymır. Bu barədə Moderator.az Trend-ə istinadən məlumat verir.
Əsəd kimlərinsə "Suriya Prezidenti istefaya
getməlidir" fikrini qeyri-məqbul sayır: "Çünki bunu ABŞ, digər
ölkələr və ya terrorçular istəyir. Məni xalq seçib və məhz Suriya xalqı mənim
istefaya gedib-getməməyim barədə qərar verməlidir. Bunu isə 2014-cü ildə keçiriləcək
seçkilər göstərəcək".
Prezident qeyd edib ki, bundan başqa, indi ölkədə
böhran yaşanır: "Gəmi fırtınaya düşəndə, kapitan qaçmır. İstefaya getmək
qaçmaq deməkdir".
