ABŞ-ın
dövlət katibi Con Kerri Barak Obamanın
Suriyaya hərbi müdaxilə edilməsi ilə bağlı Konqresə göndərdiyi layihənin
dəstəklənəcəyinə əmin olduğunu bildirib: “Konqresin düzgün qərar verəcəyinə
əminəm”.
Moderator.az-ın xəbərinə görə, C. Kerri aparılan araşdırmalar nəticəsində
Suriyada kimyəvi silahdan istifadə edildiyinin təsdiqləndiyini bildirib:
“Qazdan istifadə olunması ilə bağlı əlimizdə sübutlar var”.
Suriya prezidenti Bəşər Əsəd isə dövlət televiziyası ilə çıxış edib və
ölkəsinin bütün müdaxilələrə cavab verəcəyini deyib: “ABŞ-ın təhdidi Suriyanın
prinsiplərini dəyişdirməsinə və terrorçuluğa qarşı mübarizəni dayandırmasına
səbəb olmayacaq”.
