Suriyanın Dəməşq şəhərinin şərqindəki Quta yaşayış məskənində zəhərli qazla qətliam törədilib. Moderator.az-ın məlumatına görə, hadisə nəticəsində ən azı 280 nəfərin öldüyü bildirilir.
Onlardan 23-ü uşaqdır. Ölü sayının daha da artacağı gözlənilir. “Əl-Ərəbiyə” telekanalı 500-dən çox insanın həyatını itirdiyini xəbər verib. Dünyanın aparıcı agentlikləri isə bu rəqəmin 650-dən artıq olduğunu açıqlayıb. Yaralı sayının isə 4 min civarında olduğu güman edilir.
Qeyd edək ki, bu, Suriyada vətəndaş müharibəsi başlayandan bəri ən ağır qətliam sayılır.
