Bütün Avstraliya qoşunları Əfqanıstandan ayrılıb.
Bizim.Media xəbər verir ki, bu haqda məlumatı TASS agentliyi bazar günü ölkənin müdafiə naziri Peter Duttona istinadən yayıb.
"Bu hərbi kampaniya bu nöqtədə sona çatdı. Ancaq bu, ABŞ ilə digər kampaniyalarda, xüsusi ilə də SAS-da (Avstraliya Hava-Xüsusi Qüvvələri) iştirak etməyəcəyimiz anlamına gəlmir”, deyə o, “Sky News”a verdiyi müsahibədə qeyd edib.
Müdafiə naziri son 20 ildə Əfqanıstandakı hərbi kampaniyada 39 mindən çox Avstraliya əsgərinin iştirak etdiyini, lakin son illərdə kontingentin 1,5 min əsgərə və 80 zabitə endirildiyini bildirib.
Dutton qoşunların çıxmasından sonra Avstraliyanın terrorla mübarizədə Əfqanıstanın müttəfiqi kimi qalacağını da vurğulayıb.
Əfqanıstanda vəziyyət ABŞ prezidenti Co Baydenin Amerika silahlı qüvvələrinin respublikadakı əməliyyatının sona çatdığını elan etməsindən sonra bu ilin aprelindən bəri xeyli pisləşib.
6 iyul tarixindən etibarən ABŞ qoşunlarını 90 faizdən çox geri çəkib. Eyni nisbətdə, digər NATO dövlətləri və tərəfdaşları da bu ölkədən kontingentlərini geri çəkirlər.
Bu fonda Taliban hərəkatı bir sıra istiqamətlərdə hücumlarını artırır. Bu anda Əfqanıstanın bir neçə bölgəsi Talibanın nəzarəti altındadır və yerli mətbuatda yer alan məlumatlara görə, Tacikistan, İran və Pakistanla sərhədlərdə bir sıra açar sərhəd keçid məntəqələrini ələ keçiriblər. Kabul hərəkatın tərəfdarlarına qarşı kütləvi əks-hücum planlaşdırır.
Bizim.Media
