“Putin ciddi uğur qazanmır, Rusiyanın iqtisadiyyatı çökür” - İsveçin müdafiə naziri

“Heç kim iddia edə bilməz ki, Rusiya bu müharibədə qalib gəlir”.

Bizim.Media xəbər verir ki, bunu İsveçin müdafiə naziri Pol Yunson Bild qəzetinə müsahibəsində bildirib.

Onun sözlərinə görə, Putin ciddi uğur qazanmır, Rusiyanın iqtisadiyyatı çökür:

“Və bir şey tamamilə aydındır: Ukraynalılar nəticədə danışıqları güc mövqeyindən aparmaq imkanına sahib olmalıdırlar. Buna görə də Kiyevə dəstəyimizi indi gücləndirməyimiz çox vacibdir”.

O əlavə edib ki, Qərb ölkələri Ukraynaya dəstək üçün daha çox iş görməlidirlər.

“Mən daha çoxunu görmək istərdim. Almaniya, Niderland və Şimal-Baltik ölkələrindən gələn böyük dəstək artıq var. Bu əladır. Amma istəyirəm ki, bütün Avropa qoşulsun. Biz Ukraynanın müdafiə sənayesini dəstəkləmək üçün dondurulmuş Rusiya aktivlərindən istifadə etməliyik”, - deyə nazir vurğulayıb.

Bizim.Media