28 sentyabrda mülki təyinatlı pilotsuz uçuş aparatının uçuş-enmə zolağı yaxınlığında peyda olması Buxarestdəki Henri Koanda Beynəlxalq Hava Limanının fəaliyyətini pozub.
Bizim.Media xəbər verir ki, bu barədə Buxarest Hava Limanlarının Milli Şirkəti məlumat yayıb.
Kiçik mülki dron barədə dispetçerlər "Turkish Airlines" aviaşirkətinə məxsus Airbus A330 təyyarəsinin ekipajından xəbər tutublar. Təyyarə həmin vaxt enişə hazırlaşırmış.
Hadisəyə cavab olaraq ehtiyat tədbirləri görülüb: təyyarələrin qəbulu təxminən 40 dəqiqəlik dayandırılıb, bir neçə hava gəmisini təhlükəsiz zonalara köçürüblər, doqquz təyyarə isə başqa uçuş-enmə zolağına yönləndirilib.
Rumıniya hakimiyyəti hazırda dronun operatorunu axtarmaqla məşğuldur.
Bizim.Media
