Moskva Şəhər Məhkəməsi daha əvvəl ev dustaqlığında saxlanılan erməni biznesmen Gevork Sarkisyanı istintaq təcridxanasına göndərib.
Bizim.Media Readovka Telegram kanalına istinadən xəbər verir ki, o, müğənni Oleq Qazmanova qarşı dələduzluq işi üzrə şübhəli qismində keçir.
İncəsənət xadimi 2019-cu ildə topladığı milyonlarla rublu guya uşaq parkının tikintisinə yatırmaq üçün Sarkisyana vermişdi.
Bu barədə Qazmanovun vəkili Readovka-ya məlumat verib. Sarkisyan pulu bir il ərzində qaytaracağına söz versə də, borcu 5 ilə qədər uzadıb və nəticədə Qazmanov məhkəməyə müraciət edib.
ABŞ vətəndaşı olan və daimi orada yaşayan Sarkisyan təkcə iki dələduzluq cinayət işi üzrə fiqurant deyil.
O, vaxtaşırı Rusiyaya gəlirmiş. Həmin səfərlərdən birində saxlanılıb və sonra istintaq təcridxanasına göndərilib. Sonradan səhhəti ilə əlaqədar olaraq barəsindəki qətimkan tədbiri ev dustaqlığı ilə əvəzlənib. Lakin Qazmanovlar ailəsini onun ABŞ-a qaçmaq ehtimalı narahat edib. Sarkisyanın səhhətini təsdiqləyən sənədlər isə məhkəməyə təqdim edilməyib.
Bizim.Media
