Puqaçevanı “xalq artisti” adından məhrum edəcəklər? – Putinə müraciət GÖNDƏRİLDİ

Rusiyada “Federal Təhlükəsizlik və Korrupsiyaya Qarşı Mübarizə Layihəsi” adlı ictimai təşkilat Rusiya Prezidenti Vladimir Putinə petisiya göndərib və Alla Puqaçevanı xalq artisti adından məhrum etməyi tələb edib.

Bizim.Media xəbər verir ki, bu barədə təşkilatın rəhbəri Vitaliy Borodin “Abzas”a məlumat verib.

Sənəddə göstərilir ki, bu təşəbbüsün səbəbi Alla Puqaçevanın yüksək adı ləkələyən və onu diskreditasiya edən davranışlarıdır.

Aktivistlərin fikrincə, Puqaçevanın jurnalist Katerina Qordeyeva ilə (Rusiya Federasiyasında “xarici agent” kimi tanınmış) verdiyi müsahibədəki söz və hərəkətləri həm dövlət təhlükəsizliyi, həm də xalq artisti statusuna malik şəxsin mənəvi-cinsi məsuliyyəti baxımından suallar doğurur.

Petisiyada qeyd olunur: “Müsahibədə Puqaçeva Cöhar Dudayevdən danışıb. Bu şəxs Rusiya ərazisində terror fəaliyyəti təşkilçisi kimi rəsmi tanınıb. Həmçinin Alla Borisovna dövlət orqanlarını açıq şəkildə tənqid etməkdən çəkinməyib.”

Təşkilat Puqaçevanın Dudayevlə bağlı dediklərinin Rusiya Cinayət Məcəlləsinin 205.2-ci maddəsi (“Terrorçuluq fəaliyyətinə açıq çağırışlar, terrorizmi açıq şəkildə təbliğ”) ilə ziddiyyət təşkil edə biləcəyini istisna etməyib. Bundan əlavə, sənəddə sənətçi dövlət orqanlarını, silahlı qüvvələri və Rusiyanın xarici siyasətini ləkələməkdə ittiham olunub.

Avqustun 10-da jurnalist Katerina Qordeyeva Puqaçeva ilə müsahibə yayımlayıb; müsahibədə müğənni Cöhar Dudayevi “təvazökar və mədəni insan” adlandırıb.

Bizim.Media