7 sentyabr tarixində Böyük Britaniyada fövqəladə hallar üzrə xəbərdarlıq sistemi yenidən sınaqdan keçiriləcək.
Bizim.Media xarici mətbuata istinadən xəbər verir ki, həmin gün saat 15:00-da milyonlarla mobil telefon eyni vaxtda siqnal verəcək, təxminən 10 saniyə ərzində titrəyəcək.
Eyni zamanda mobil cihazların ekranlarında “Bu yalnız sınaqdır” yazısı əks olunacaq.
Bu xəbərdarlıq sisteminin məqsədi zəlzələ, daşqın, fırtına kimi fövqəladə hallarda əhaliyə operativ məlumat ötürməkdir.
Bu üsul vasitəsilə saniyələr içində milyonlarla insana xəbərdarlıq göndərmək mümkündür.
Bizim.Media
