Şanxay Əməkdaşlıq Təşkilatında (ŞƏT) sədrlik vəzifəsi Çindən Qırğızıstana ötürülüb.
Bizim.Media xəbər verir ki, bu barədə Tianjin sammitinin yekun deklarasiyasında bildirilir.
Bu, Qırğızıstanın təşkilatda dördüncü sədrliyi olacaq və “ŞƏT-in 25 ili: davamlı sülh, inkişaf və tərəqqi üçün birlikdə” şüarı altında keçiriləcək.
Qırğızıstan Prezidenti Sadır Japarov sammitdə sədrlik dövrünün prioritetlərini belə açıqlayıb:
▪️ uzunmüddətli sabitliyin təmin edilməsi;
▪️ iqtisadi əməkdaşlığın potensialının reallaşdırılması;
▪️ yeni nəqliyyat marşrutlarının inkişaf etdirilməsi və yaradılması;
▪️ iqlim dəyişikliyi ilə mübarizə və “yaşıl” iqtisadiyyat sahəsində əməkdaşlığın fəallaşdırılması;
▪️ rəqəmsallaşma.
Bundan əlavə, Qırğızıstanın Çolpon-Ata şəhəri 2026-cı il üçün ŞƏT-in turizm və mədəniyyət paytaxtı seçilib.
Bizim.Media
